Lənkəran Olimpiya İdman Kompleksində Beynəlxalq Könüllülər Günü münasibətilə tədbir təşkil edilib. Bu haqda məlumatı Cenublu.az bu gün, 4 dekabr tarixində verir.
Tədbir çərçivəsində səhnəciklər və musiqi nömrələri təqdim olunub, həmçinin könüllülərdən ibarət komandalar arasında idman yarışları keçirilib.
Görüşdə Şəhər İcra Hakimiyyəti başçısının müavini Ülviyyə Əliyeva, Lənkəran-Astara Regional Gənclər və İdman İdarəsinin rəisi Teymur Babazadə, Lənkəran Gənclər Evinin direktoru, “Regional İnkişaf” İctimai Birliyinin Lənkəran-Astara Regional bölməsinin rəhbəri, Lənkəran Olimpiya İdman Kompleksinin direktoru və könüllü gənclər iştirak ediblər.
Yəkunda könüllülər Lənkəran-Astara Regional Gənclər və İdman İdarəsinin təşəkkürnamələri ilə mükafatlandırılıblar.
Qeyd edək ki, görüş Lənkəran Şəhər İcra Hakimiyyəti, Lənkəran-Astara Regional Gənclər və idman idarəsi, Lənkəran Gənclər Evinin birgə təşkilatçılığı, Lənkəran Olimpiya İdman Kompleksinin tərəfdaşlığı ilə həyata keçirilib.
