Lənkəran KOBİM “Müştəri məmnuniyyəti və alıcı psixologiyası” və “Yeni müəssisələrdə korporativ idarəetmə” mövzularında təlimlər keçirib. Bu haqda məlumatı Cenublu.az bu gün, 23 noyabr tarixində verir.
Belə ki, seminarlara 7 nəfər biznesə yeni başlamaq istəyən şəxs qoşulub. Onlara peşəkar ekspert tərəfindən loyallıq proqramı, CRM və insan faktoru, potensial müştərilərin cəlb edilməsi, kiçik müəssisələrdə satışın təşkili, marketinq, satışdan sonra qulluq və müştəri sorğularını operativ cavablandırma və s. mövzular barədə ətraflı məlumat verilib.
Sonda mövzular ətrafında müzakirələr aparılıb və iştirakçıların sualları cavablandırılıb.
Xatırladaq ki, Lənkəran KOBİM tərəfindən göstərilən bütün xidmətlər ödənişsizdir.
