Lənkəran KOBİM tərəfindən “KOB-lar üçün mühasibatlıq” mövzusunda təlim baş tutacaq. Bu haqda məlumatı Cenublu.az bu gün, 19 sentyabr tarixində verir.
Lənkəran KOB İnkişaf Mərkəzində 20 sentyabr saat 10:00-da keçiriləcək təlim zamanı Lənkəran KOBİM-in eksperti Vamiq Babayev aşağıdakı mövzulardan danışacaq:
- sahibkarlıq fəaliyyətinin təşkili üçün addımlar (VÖEN və ASAN imza açılması);
- E-taxes.gov.az saytından istifadə;
- onlayn kargüzarlıq və digər bölmələrin izahı;
- vergi öhdəlikləri haqqında məlumat;
- kargüzarlığın qurulması, sənədləşmələr;
- vergi orqanları ilə yazışmalar;
- KOB üçün maliyyə hesabatlarının beynəlxalq standartları və onun tətbiqi.
Təlimdə iştirak etmək üçün (+994) 77 332 57 76 nömrəsi ilə əlaqə saxlaya və ya
[email protected] elektron poçt ünvanına müraciət edə bilərsiniz.
Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.
