Lənkəranda keçirilən Flaminqo festivalında bir milyondan çox balıq körpəsi Xəzər dənizinə buraxılıb. Bu haqda məlumatı Cenublu.az bu gün, 21 noyabr tarixində Report.az-a istinadən verir.
Bioloji Müxtəlifliyin Qorunması Xidmətinin rəisi Firudin Əliyev bildirib ki, bu gün baş tutan festivalda 300-dən çox ziyarətçi iştirak edib: "Tədbir çərçivəsində bir milyona yaxın balıq körpəsi Qızılağac Milli Parkından Xəzər dənizinə buraxılıb. Eyni zamanda Kiçik Qızılağac Balıqartırma Təsərrüfatından ümumilikdə 4 milyondan çox çəkikimi balıq körpəsi təbiətə buraxılıb".
Xidmət rəisi, həmçinin bildirib ki, hazırda Azərbaycanda flaminqoların sayı ilə bağlı dəqiq rəqəm yoxdur: "Həm Qızılağac, həm Abşeron, həm də Şirvan Milli Parklarında flaminqolar var. Hazırda dəqiq say yoxdur, çünki sayım prosesi yaz aylarında olur. Lakin Qızılağacda sonuncu dəfə 100-ə yaxın flaminqo müşahidə olunub".
