Yaşadığı evdə "Kalaşnikov" avtomatı gizlədən Lənkəran sakini saxlanılıb. Bu haqda məlumatı Cenublu.az bu gün, 12 yanvar tarixində verir.
DİN-in mətbuat xidmətinin Lənkəran regional qrupundan verilən məlumata görə, Lənkəran Şəhər Rayon Polis Şöbəsi əməkdaşlarının keçirdikləri əməliyyat tədbirləri nəticəsində qanunsuz odlu silah saxlamaqda şübhəli bilinən rayon sakini, əvvəllər məhkum olunmuş Rəvan Rzayev saxlanılıb. Keçirilən baxış zamanı onun yaşadığı evdə gizlətdiyi "AK-74" markalı avtomat, həmin silaha aid daraq və 6 ədəd patron aşkarlanaraq götürülüb.
Ümumilikdə isə son 10 gün ərzində Lənkəran ŞRPŞ əməkdaşlarının keçirdikləri əməliyyat və profilaktiki tədbirlər nəticəsində rayon sakinlərindən 2 ədəd "Kalaşnikov" avtomatı və müvafiq sənədləri olmadan qanunsuz saxlanılan 15 ədəd ov tüfəngi götürülüb.
[caption id="attachment_51795" align="alignnone" width="336"]
Foto DİN[/caption]
