Lənkəranda itkin düşmüş hesab edilən balıqçılar barədə bəzi təfərrüatlar məlum olub.
Cenublu.az xəbər verir ki, Lənkəranda 10 gündür heç bir xəbər olmayan balıqçılar - Siyavar kənd sakinləri, 41 yaşlı Mahmud İbayev və 57 yaşlı Nazim Abbasovun axtarışları davam etdirilir.
N.Abbasovun qardaşı İsmayıl Abbasov bildirib ki, bir neçə gün idi hava şəraiti ilə bağlı dənizə çıxmaq olmurdu. Bu gün yenidən axtarışlar başlanıb, Dənizdə Sahil Mühafizə hissəsinin gəmiləri, o cümlədən FHN-nin Cənub Regional Mərkəzinin Kiçik həcmli Gəmilərə Nəzarət və Sularda Xilasetmə Dövlət Xidmətinin xilasediciləri cəlb olunub:
"Bu günə kimi hər iki ailə üzləri adından respublika DİN-nə, XİN-nə, Prezident Aparatına, İran Konsulluğuna və Təbrizdəki Konsulluğa rəsmi müraciət olunub. Bu gün Təbrizdəki Konsulluqdan cavab alınıb ki, balıqçılardan biri Rusiya vətəndaşı olduğu üçün Rusiya Federasiyasının Azərbaycandakı səfirliyinə də müraciət olunmalıdır. Həmin ailənin üzvləri bu gün Bakıdakı Rusiya səfirliyinə gedəcək və onlara ətraflı məlumat veriləcək".
