Yanvarın 13-də Lənkəran şəhəri, Siyavar kəndi yaxınlığında Xəzər dənizində itkin düşdüyü ehtimal edilən balıqçı 1984-cü il təvəllüdlü İbayev Mahmud Əbdüləli oğlunun axtarışları davam etdirilir.
Cenublu.az xəbər verir ki, bununla bağlı FHN məlumat yayıb.
Bildirilib ki, hazırda vətəndaşın axtarışları nazirliyin Aviasiya dəstəsinin helikopteri, Xüsusi Riskli Xilasetmə Xidmətinin xilasediciləri və Kiçikhəcmli Gəmilərə Nəzarət və Sularda Xilasetmə Dövlət Xidmətinin qüvvələri tərəfindən həyata keçirilir.
Xatırladaq ki, ötən gün itkin düşmüş digər balıqçı - Nazim Abbasovun cəsədi tapılıb.
