Lənkəranda güclü külək nəticəsində irigövdəli ağac avtomobilin üzərinə aşıb. Bu haqda məlumatı Cenublu.az bu gün, 11 oktyabr tarixində Apa.az-a istinadən verir.
Hadisə ötən axşam saat 21:00 radələrində köhnə Ələt-Astara magistralının 197-ci kilometrində, Lənkəran rayonunun Göyşaban kəndi ərazisində qeydə alınıb.
Lənkəran sakini Yalçın Gülhəsən oğlu Həsənova məxsus 42-CB-537 dövlət nömrə nişanlı "Kia Sorento" markalı avtomobilə ciddi ziyan dəyib. Qəzada xəsarət alan olmayıb.
Ağac yolun hərəkət istiqamətinə düşdüyündən gediş-gəliş qısa müddətə dayanıb. Əraziyə Lənkəran DYP bölməsinin əməkdaşları cəlb olunublar. Tıxacın qarşısını almaq üçün ağac qırıntıları yoldan götürülüb. Magistral yolda avtomobillərin hərəkəti təmin edilib.
