Lənkəran Rayon Mərkəzi Xəstəxanasının Cərrahiyyə şöbəsi növbəti uğurlu əməliyyata imza atıb.
Cenublu.az xəbər verir ki, mərkəzin cərrahiyyə şöbəsində damar cərrahiyyəsinə start verilib.
Əməliyyat Lənkəran Rayon Mərkəzi Xəstəxanasının cərrahiyyə şöbəsində yeni fəaliyyətə başlayan damar-cərrahı Səid Əhmədov tərəfindən icra edilib. Belə ki, 1965-ci il təvəllüdlü pasiyent ayağın sol aşağı ətrafın varikoz genəlməsi şikayətləri ilə mərkəzin cərrahiyyə şöbəsinə müraciət edib. Xəstənin sözlərinə görə, 3-4 ildir ki, o, bu xəstəlikdən əziyyət çəkir. Aparılan çoxsaylı konservativ müalicələr nəticəsiz olduğundan cərrahi əməliyyat olunmasından ötrü Lənkəran Rayon Mərkəzi Xəstəxanasının cərrahiyyə şöbəsinə üz tutub. Mərkəzin damar-cərrahı Səid Əhmədov tərəfindən xəstə üzərində uğurlu flebektomiya əməliyyatı icra olunub.
Baş tutan uğurlu əməliyyatdan sonra özünü daha rahat hiss edən xəstə palataya yerləşdirilib.
