Lənkəran şəhər Heydər Əliyev parkında "İdman hamı üçün" layihəsi çərçivəsində tədbir baş tutub. Bu haqda məlumatı Cenublu.az bu gün, 30 sentyabr tarixində verir.
Belə ki, keçirilən tədbirdə boks, futbol, voleybol, ağır atletika, stolüstü tennis, dama, şahmat, basketbol və atletika idman növləri nümayiş etdirilib.
Baş tutmuş oyunlarda 115 nəfər rayon sakini və könüllü gənclər iştirak ediblər.
İdman tədbirinin təşkilində məqsəd kütlə arasında idmanın təbliği, idmana marağın artırılması, sağlam həyat tərzinə çağırış və asudə vaxtının səmərəli təşkili olub.
Tədbir Lənkəran-Astara Regional Gənclər və İdman İdarəsinin təşkilatçılığı ilə baş tutub.
