Lənkəran Gənclər Evində “Sülh aylığı” çərçivəsində “Biz sülh carçılarıyıq” adlı tədbir baş tutub. Bu haqda məlumatı Cenublu.az bu gün, 20 sentyabr tarixində verir.
Tədbirdə Lənkəran-Astara Regional Gənclər və İdman İdarəsinin rəis müavini, Ombudsmanın Cənub Regional Mərkəzinin rəhbəri, DQİDK-nın Lənkəran bölgəsi üzrə şöbəsinin müdiri və Lənkəran Gənclər Evinin rəhbəri, əməkdaşları və gəncləri iştirak ediblər.
Çıxışlar zamanı ölkəmizdə mövcud olan sülh mədəniyyəti və nümunəvi birgəyaşayış mühiti barəsində məlumat verilib. Tədbirdə, həmçinin dayanıqlı sülhə mane olan amillərin aradan qaldırılması, sülhün möhkəmləndirilməsi istiqamətində tədbirlərin görülməsi, münaqişələrin dinc vasitələrlə və beynəlxalq hüquq prinsiplərinə uyğun olaraq nizamlanmasının vacibliyi qeyd edilib.
Qeyd edək ki, tədbir Lənkəran-Astara Regional Gənclər və İdman İdarəsinin təşkilatçılığı ilə keçirilib.
