Lənkəran şəhərinin Mirzə Ələkbər Sabir küçəsində bərələr uzun müddətdir baxımsız vəziyyətdədir.
Cenublu.az-a müraciət edən şikayətçilər bildiriblər ki, yağış sularının axıdılması üçün nəzərdə tutulan bu qurğular otla örtülüb və məişət tullantıları ilə dolub, bu da şəhərin sanitar vəziyyətinə və sakinlərin gündəlik həyatına ciddi təsir edir.
Şəhər sakinlərinin verdiyi məlumata görə, bərələrə dolan zibillər yağışlı havalarda suyun axıdılmasını tamamilə əngəlləyir, bu isə küçələrdə böyük gölməçələrin yaranmasına və nəqliyyatın maneə ilə üzləşməsinə səbəb olur.
Mirzə Ələkbər Sabir küçəsində yaşayanlar bu acınacaqlı vəziyyətin təcili olaraq aradan qaldırılmasını tələb edirlər.
Hadisənin təsdiqi olaraq, sakinlər tərəfindən redaksiyamıza göndərilən video və fotoları təqdim edirik:
