Lənkəran rayonu üzrə seçici fəallığı müşahidə olunur.
Cenublu.az xəbər verir ki, respublikada keçirilən bələdiyyə seçkilərində Lənkəran rayonundan olan seçicilər 3 dairə seçki komissiyasını - 76 saylı Lənkəran-Masallı, 77 saylı Lənkəran şəhər və 78 saylı Lənkəran kənd dairələrini əhatə edən 138 seçki məntəqəsində səs verirlər.
Lənkəran şəhər 77 saylı seçki dairəsinin 24 saylı məntəqəsində seçicilər fəallıqları ilə seçilir. Məntəqədə şəffaflığın təmin olunması üçün veb-kameralar quraşdırılıb. Gün ərzində 10-dan artıq müşahidəçi seçkinin gedişini izləyəcək. Bu dairə üzrə gün ərzində 41 məntəqə fəaliyyət göstərəcək. 63 yer üzrə isə 133 namizəd mübarizə aparır. Ümumilikdə səsvermənin şəffaf və demokratik keçirilməsi üçün bütün məntəqələrdə lazımi şərait yaradılıb. Hərəkət əngəlli seçicilərin səsvermədə iştirakını təmin etmək məqsədilə daşınan qutular məntəqələrə paylanıb.
Qeyd edək ki, 77 saylı Lənkəran Seçki Dairəsində seçkiləri canlı izləmək üçün 13 məntəqədə veb-kameralar quraşdırılıb. Ümumilikdə 77 saylı Lənkəran Seçki Dairəsində 47 min 869 nəfərin səsvermədə iştirakı gözlənilir.
