Lənkəranda şose velosipedinin kriterium növü üzrə Azərbaycan Kubokunun ll mərhələsinin qalibləri müəyyən olunub. Bu haqda məlumatı Cenublu.az bu gün, 8 sentyabr tarixində verir.
İkinci yarış günündə idmançılar cüt ötüşmə növündə güclərini sınayıblar. 2010-2011-ci il təvəllüdlü oğlanlar (12 nəfər) 5 km, 2009 (12 nəfər) və 2006-2008-ci il təvəllüdlü oğlanlar (20 nəfər) isə 10 km məsafə qət ediblər.
2010-2011-ci il təvəllüdlü oğlanlar arasında Ələsgər Bürcəlizadə (ROEQİUGVM) və Timur Rəcəbov (ROEQİUGVM) cütlüyü birinci (09:12:62), Nizam Cavadlı (Təhsil RİM) və Anar Cəfərov (AVF Gəncə bölməsi) ikinci (09:43:30), Artyom Sokolov (ROEQİUGVM İsmayıllı) və Daniil Cəbrayılov (ROEQİUGVM) üçüncü (09:45:42) yerə layiq görülüblər.
2009-cu il təvəllüdlü oğlanların mübarizəsində Çingiz İsayev (ROEQİUGVM) və Nihad Xudoyev (ROEQİUGVM) dueti hamıdan yaxşı göstəriciyə imza ataraq qızıl (16:12:48), Rüstəm Rəcəbli (Təhsil RİM) və Tunar Sadıqlı (Təhsil RİM) gümüş (16:42:13), Mirkəlam Ağayev (ROEQİUGVM) və Asiman Qasımov (ROEQİUGVM) bürünc (16:45:23) medal qazanıblar.
2006-2008-ci il təvəllüdlü oğlanların yarışında isə Artyom Proskuryakov (Təhsil RİM) və İsgəndər İsgəndərov (Təhsil RİM) birinci (14:41:46), Ravi Rzayev (ROEQİUGVM) və Turqut Qurbanlı (ROEQİUGVM) ikinci (15:14:10), Camal İbrahimzadə (ROEQİUGVM) və Tural İsrafilov (ROEQİUGVM) üçüncü (15:23:13) yerdə qərarlaşıblar.
Yarışdan sonra mükafatlandırma mərasimi keçirilib. Qaliblərə medal, diplom və qiymətli hədiyyələr təqdim edilib.
Qeyd edək ki, sentyabrın 8-də baş tutacaq üçüncü - sonuncu gündə velosipedçilər kriterium növü üzrə mübarizə aparacaqlar.
Yarışlar Azərbaycan Respublikası Gənclər və İdman Nazirliyinin dəstəyi, Azərbaycan Velosiped Federasiyasının (AVF) və Lənkəran-Astara Regional Gənclər və İdman İdarəsinin birgə təşkilatçılığı baş tutub.
