Lənkaranda narkotik vasitələrin qanunsuz dövriyyəsi ilə bağlı əməliyyat-axtarış tədbirləri keçirilib. Bu haqda məlumatı Cenublu.az bu gün, 2 oktyabr tarixində verir.
Keçirilmiş tədbirlər nəticəsində narkotik vasitələrin qanunsuz dövriyyəsində şübhəli bilinən rayon sakini, əvvəllər məhkum olunmuş Samid Əliyev heroin satarkən tutulub.
DİN-dən verilən məlumata görə, narkotik vasitəni əldə edən Lənkəran sakini, əvvəllər məhkum olunmuş Bünyad Heydərov saxlanılıb.
Heydərovun üzərindən və yaşadığı evdən ümumilikdə 8 kiloqram 300 qram heroin aşkarlanaraq götürülüb. Onun narkotik vasitəni satış üçün xaricdə yaşayan narkotacir vasitəsilə əldə etdiyi müəyyənləşdirilib.
Qeyd edək ki, bundan əlavə, Lənkəran ŞRPŞ əməkdaşlarının son bir ay ərzində narkotiklərin qanunsuz dövriyyəsinə qarşı keçirdikləri əməliyyatlar zamanı ümumilikdə 32 nəfər saxlanılıb. Faktlarla bağlı zəruri istintaq hərəkətləri davam etdirilir.
