Lənkəranda ailədaxili oğurluq faktı qeydə alınıb.
İttiham aktına əsasən, 27 yaşlı Fəridə Səlimova ailəsi ilə birlikdə yaşadığı ikimərtəbəli evin ikinci mərtəbəsində qaynına məxsus, ümumi dəyəri 9280 manat olan qızılları oğurlayıb. Məlumata görə, hadisə baş verən gün qaynı və ailə üzvləri Bakıda yas mərasimində olublar. Bundan istifadə edən F.Səlimova qaynının yataq otağında döşəyin altında və paltar dolabında saxlanılan qızılları götürüb.
Faktla bağlı Fəridə Səlimova saxlanılıb və barəsində müvafiq maddə ilə cinayət işi açılıb. İstintaq zamanı zərərçəkən şəxs ona dəymiş ziyanın tam ödənildiyini bildirib və gəlini bağışladığını qeyd edib.
Lənkəran şəhər Məhkəməsinin qərarı ilə himayəsində bir azyaşlı övladı olan Fəridə Səlimova 1 il müddətinə azadlığın məhdudlaşdırılması cəzasına məhkum edilib.
