Sabah, 27 sentyabr tarixində Lənkəran rayonunun 20 yaşayış məntəqəsində qaz olmayacaq. Bu haqda məlumatı Cenublu.az verir.
Belə ki, saat 10:00-dan işlər yekunlaşana qədər Qurumba kəndində yerləşən Penitensiar Xidmətə məxsus cəzaçəkmə müəssisəsinə qazın verilməsi məqsədilə Lənkəran rayonunun 10 yaşayış məntəqəsində (Qurumba , Narbağı, Şağlaküçə, Bəlləbur, Kərgəlan, Darquba, Lüvəsər, Ləj, Həftoni, Talışlı) 4500 abonenti təbii qazla təmin edən "RVU-2 (Lənkəran)" ölçü qovşağından qaz təchizatının dayandırılması planlaşdırılır. Həmçinin saat 10:00-dan işlər başa çatanadək “Lənkəran” qazpaylayıcı stansiyasında istismarda olan, Girdəni kəndi istiqamətində quraşdırılmış qaz tənzimləyicisinin yeni qaz tənzimləyicisi ilə əvəz olunmasından ötrü Girdəni kəndi istiqamətində 10 yaşayış məntəqəsi üzrə (Göyşaban, Ürgə, Girdəni, İstisu, Havzava, Veravul, Vilvan, Osaküçə, Sinovli kəndləri və Liman şəhərinin Xutor qəsəbəsi üzrə) ümumilikdə 7000-ə yaxın abonentin qaz təchizatının “Lənkəran” qazpaylayıcı stansiyada “Lənkəran 1-2” ölçü qovşağından dayandırılması planlaşdırılır.
Qeyd olunan ərazilərdə yaşayanlardan qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş olunur.
