Lənkəran yollarından şikayət var.
Cenublu.az-a daxil olan şikayətə görə, Lənkəran şəhər Digah ərazisində yolların vəziyyəti bərbaddır. Sakinlərin sözlərinə görə, şəhərin bir sıra küçələrində təmir işləri - asfaltlanma getsə də, Digah ərazisində, “yeni evin arxası”ndakı məhəllə təmirsizdir.
“Hava yağıntılı olduqda küçədən keçmək mümkün olmur. Güclü yağışdan sonra küçədən uzunboğaz çəkmə ilə keçməli oluruq. Əhalinin problemlərinin işıqlandırılmasında yardımçı olmağınızı xahiş edirik”, - deyə sakinlər bildiriblər.
Bundan əlavə, onlar qeyd ediblər ki, kanalizasiya sisteminin də problemli olması buna təsir edən amillərdəndir. Belə ki, yağış sularının kanalizasiya sistemi vasitəsilə ötürülməsində qüsurlar olur.
