Bakı şəhərinin Nərimanov rayonunda ictimai yerdə çılpaq yatan şəxs saxlanılıb. Bu haqda məlumatı Cenublu.az bu gün, 6 noyabr tarixində Qafqazinfo-ya istinadən verir.
Belə ki, bina sakini binanın qarşısındakı skamyada 1 nəfərin sərxoş və çılpaq vəziyyətdə yatması, qışqırması, uşaqları öldürəcəyi ilə hədələməsi barədə polisə müraciət edib. Onlar tanımadıqları şəxsin 2-3 gündür çılpaq halda skamyada yatdığını deyiblər.
Nərimanov RPİ-nin 18-ci Polis Şöbəsinin əməkdaşları qeyd edilən yerə gedərək həmin şəxsi müəyyən ediblər. Bu zaman o, müqavimət göstərərək polislə birgə getmək istəməyib.
Şöbəyə aparılan saxlanılan şəxsin Lənkəran rayon Boladi kənd sakini, 46 yaşlı S.Salahov (şərti) olması müəyyən edilib və barəsində inzibati protokol tərtib edilib.
Nərimanov Rayon Məhkəməsinin qərarı ilə ona 10 sutka inzibati həbs cəzası verilib.
