Lənkəran şəhər Heydər Əliyev Mərkəzinin əməkdaşları Vətən müharibəsində qəhrəmancasına şəhid olan Eşqin Cəfərzadənin ikinci ildönümü ilə əlaqədar ailəsini və məzarını ziyarət ediblər. Bu haqda məlumatı Cenublu.az bu gün, 5 noyabr tarixində verir.
Onlar əvvəlcə şəhidin ailəsini, daha sonra şəhidin məzarını ziyarət ediblər, xatirəsini ehtiramla anıblar, məzarı üzərinə gül dəstələri qoyub, ruhuna dualar oxuyublar.
Qeyd edək ki, şəhidimiz döyüşlərdə göstərdiyi qəhrəmanlığa görə ölümündən sonra “Vətən uğrunda”, “Cəbrayılın azad olunmasına görə” və “Qubadlının azad olunmasına görə” medalları ilə təltif olunub.
