Lənkəran rayonu, Sütəmurdov kəndi, Heydər Əliyev prospekti, “Dörd fəsil” restoranı ilə üzbəüz yaşayan 20 ailə qaz və işıqla bağlı problem yaşayır. Bu haqda məlumatı Cenublu.az bu gün, 28 avqust tarixində verir.
Sakinlər bildirirlər ki, illərdir mövzu ilə bağlı aidiyyəti qurumlara müraciət etsələr də, problem öz həllini tapmayıb.
Məsələ ilə bağlı Lənkəran Regional Qaz İdarəsinə müraciət etdik.
Qurumdan bildirildi ki, qazlaşdırma hər il üçün təsdiqlənən əsaslı tikinti proqramı əsasında aparılır: “Həmin ərazinin qazlaşdırılması 2023-cü ilin planında nəzərdə tutulmur. Növbəti mərhələdə baxılacaq. Sakinlər alternativ olaraq öz vəsaitləri hesabına qazlaşma apara bilərlər. “Azəriqaz” İB Texniki şərt və sayğacları pulsuz verir”.
