Lənkəran regional "ASAN xidmət" mərkəzində könüllü fəaliyyətinin təşkili ilə bağlı Lənkəran gəncləri ilə görüş keçirilib. Bu haqda məlumatı Cenublu.az bu gün, 2 oktyabr tarixində verir.
Dövlət Agentliyinin İnsan resurslarının idarə edilməsi şöbəsinin, Könüllülərlə iş sektorunun baş mütəxəssisi Allahşükür Məmmədov və Masallı regional “ASAN xidmət” mərkəzinin əməkdaşı Elmin Şabıyev “ASAN xidmət" mərkəzlərinin fəaliyyət prinsipləri və könüllülük proqramı haqqında görüş iştirakçılarına geniş məlumat veriblər.
Həmçinin görüşdə gənclərə könüllülük fəaliyyətinin istiqamətləri, bu fəaliyyətin gənclərin maariflənməsinə, intellektual və mənəvi inkişafına, cəmiyyətdə fəal iştirakına müsbət təsirlərindən danışılıb. Daha sonra könüllülük fəaliyyəti göstərmək istəyən gənclərdən müraciət sorğuları qəbul olunub.
Qeyd edək ki, Lənkəran regional "ASAN xidmət" mərkəzinin açılışı yaxın günlərdə nəzərdə tutulub.
