“Yanğınsöndürmə balonlarından istifadə qaydası və yanğın zamanı işçilərin davranış qaydaları” mövzusunda növbəti təlim keçirilib.
Cenublu.az-ın verdiyi xəbərə görə, Fövqəladə Hallar Nazirliyi Dövlət Yanğın Nəzarəti Xidmətinin əməkdaşları və Lənkəran Rayon Mərkəzi Xəstəxanasının Əməyin mühafizəsi bölməsinin mütəxəssisi Malik Sovqatov xəstəxananın Terapiya və yoluxucu xəstəliklər şöbəsində çalışan personala yanğınsöndürmə balonlarından istifadə qaydaları, yanğınlar və onlara qarşı mübarizə, ümumiyyətlə fövqəladə hadisələrin baş verməsi təhlükəsi zamanı işçilərin davranış qaydalarına dair vərdişlərin möhkəmləndirilməsi istiqamətində danışaraq tibb işçilərini ətraflı məlumatlandırıb.
Keçirilən təlimdə tibbi personala odsöndürən balonlardan necə istifadə olunması, yanğınlar zamanı onlara qarşı mübarizə, əyani olaraq yanğının söndürülməsi nümayiş etdirilib.
Direktorun inzibati məsələlər üzrə müavini Yalçın Əhmədovun bildirdiyinə görə, bu tip təlimlərin mütəmadi keçirilməsi planlaşdırılır.
