“Azərpoçt” MMC Lənkəran Regional poçt filialının rəisi Azər Dadaşovun işdən çıxarılması ilə bağlı sosial şəbəkələrdə qeyri-rəsmi məlumatlar paylaşılır.
Belə ki, yayılan söz-söhbətlərdə A.Dadaşovun tutduğu vəzifədən azad edildiyi, səlahiyyətlərini müvəqqəti olaraq Astara poçt filialının rəisinin yerinə yetirəcəyi bildirilib.
Məsələ ilə bağlı “Azərpoçt” MMC-nin ictimaiyyətlə əlaqələr şöbəsinin müdiri Afaq İbrahimova Cenublu.az-ın sorğusuna cavab olaraq bildirdi ki, Azər Dadaşov öz ərizəsi ilə işdən çıxıb:
“Astara poçt filialının rəisinin onun əvəz edəcəyi məlumatı həqiqəti əks etdirmir. Hələlik Azər Dadaşovun yerinə təyinat olmayıb”.
