Lənkəranda dərədə tapılan 55 yaşlı kişinin cansız bədəni aidiyyəti üzrə təhvil verilib.
Cenublu.az xəbər verir ki, İlham Hüseynovun nəşi daxili və xarici müayinə olunması üçün Məhkəmə Tibbi Ekspertiza və Potoloji Anatomiya birliyinin Lənkəran rayon şöbəsinə təhvil verilib.
Mərhumun yaxın qohumu Mirəziz Quliyev onun mal-qaranı gətirmək üçün evdən çıxdığını bildirib:
"Axşam mal-qara evə qayıdıb amma İlhamdan bir xəbər olmayıb. Həmin andan bütün Horavenc kəndi İlhamın axtarışlarına başlayıb. Bu gün səhər meyiti hündür qayalıqdan kolların arasından tapdıq. Sakit təbiətli biri idi və heç kimlə də düşmənçiliyi olmayıb. Yəqin başı gicəllənib ya ayağı sürüşərək ora düşüb. O, sırf bədbəxt hadisə nəticəsində ölüb"
Ekspertizanın verəcəyi rəydən sonra ölümün dəqiq səbəbləri məlum olacaq. Faktla bağlı araşdırma davam etdirilir.
