Lənkəran rayonunda "Sağlam həyat naminə Narkomaniyaya Yox Deyək" devizi altında maarifləndirici tədbir keçirilib. Bu haqda Cenublu.az bu gün, 7 oktyabr tarixində şəhər Gənclər və İdman İdarəsinə istinadən verir.
M.Qarayev adına Zövlə kənd tam orta məktəbində baş tutan tədbirdə 9, 10, 11-ci sinif şagirdləri iştirak ediblər. İlk öncə şəhidlərimizin əziz xatirəsi bir dəqiqəlik sükutla yad edilib. Burada çıxış edənlər narkomaniyanın əsrin bəlası olduğunu, bu xəstəlikdən qorunma tədbirlərindən, zərərli vərdişlərdən, erkən nikah və onun fəsadlarından bəhs ediblər.
Əlavə olunub ki, valideynin və məktəb birliyinin uşaq üzərində nəzarəti olmalı, uşağa və valideynə təsiri paralel aparılmalıdır. Sonda məktəblilərin sualları cavablandırılıb.
Layihə Gənclər və İdman idarəsinin və şəhər RPŞ-nin birgə təşkilatçılığı ilə həyata keçirilib.
