Yaxın zamanlarda Lənkəranda məktəblərdə kameraların quraşdırılması həyata keçiriləcək. Bu haqda məlumatı Cenublu.az bu gün, 28 noyabr tarixində Report.az-a istinadən verir.
Belə ki, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov bildirib: "Bu gün "Məktəblinin dostu" layihəsi çərçivəsində 200-ə yaxın məktəbdə müşahidə kameraları quraşdırılıb. Lənkəran da bu layihəyə qoşulacaq. Bununla da kamera quraşdırılacaq məktəblərin sayı artırılacaq. Ümumilikdə, sözügedən məsələ gündəliyimizdədir".
Qeyd edək ki, bu barədə məlumat "Effektiv kommunikasiya" mövzusunda keçirilən seminarda verilib.
