Lənkəranda “Biznes-plan necə hazırlanır” və “Biznesdə risklərin idarə edilməsi” mövzuları üzrə təlimlər həyata keçirilib. Bu haqda məlumatı Cenublu.az bu gün, 30 yanvar tarixində verir.
Ödənişsiz seminarlarda 7 nəfər sahibkar və biznesə başlamaq istəyən şəxs iştirak edib. Onlar biznes-plan anlayışı və ümumi strukturu, ideyanın yaranması, biznes-planın xülasəsi, sahibkarlıq subyekti, təşkilati planın hazırlanması, bazarın araşdırılması, maliyyə planının hazırlanması və analizi, layihə risklərinin qiymətləndirilməsi, həmçinin risk meyarlarının tərifi, risklərin ölçülməsi, identifikasiyası, təhlili, barədə məlumatlandırılıblar.
Sessiyaların sonunda mövzular ətrafında müzakirələr aparılıb və iştirakçıların sualları cavablandırılıb.
