Bu gün Lənkəran Dövlət Dram Teatrının unudulmaz aktyorlarından biri - Əlibala Əfsər oğlu Əsgərovun ad günüdür. Yaşasaydı 70 illik yubileyini qeyd edəcəkdi.
Əlibala Əsgərov 1955-ci ildə yanvarın 28-i Sumqayıtda anadan olub. 1975-ci ildən N.B.Vəzirov adına Lənkəran Dövlət Dram Teatrında işləyib. 1978-ci ildə Azərbaycan Dövlət İncəsənət İnstitutunun Mədəni-maarif fakültəsinin qiyabi şöbəsinə daxil olub.
60-dan çox tamaşada müxtəlif xarakterli rollar oynayıb.
O, həmçinin “Durnalar qayıdanda”, “Qəzan mübarək, Paşam”, “Susmuş vicdan”, “Sevginin göz yaşı”, “Əli və Nino”, “Hörümçək toru” və digər bədii və televiziya filmlərində rollar yaradıb.
Əlibala Əsgərov 2024-cü il iyunun 12-i Lənkəran şəhərində uzun sürən ağır xəstəlikdən sonra 69 yaşında dünyasını dəyişib.
