Cəlilabadda ibtidai sinif müəllimlərinə ixtisas və metodiki mövzularda seminar keçirilib. Bu haqda bu gün, 6 mart tarixində Cenublu.az Azərbaycan Gənc Müəllimlər Assosiasiyasına istinadən xəbər verir.
Martın 5-də Cəlilabad rayon Heydər Əliyev Mərkəzində Lənkəran-Astara Regional Təhsil İdarəsinin və Azərbaycan Gənc Müəllimlər Assosiasiyasının birgə təşkilatçılığı ilə Cəlilabad rayonu ümumi təhsil müəssisələrinin ibtidai sinif müəllimləri üçün seminar baş tutub.
Aynur Rüstəmova və Pərvinə Qədimovanın təqdimatları əsasında keçirilən seminarda 800-ə yaxın ibtidai sinif müəllimi iştirak edib.
Sonda seminarda aktiv iştirak edən müəllimlərə hədiyyələr təqdim olunub.
Əlavə edilib ki, seminarların Lənkəran-Astara Regional Təhsil İdarəsinin tabeliyində olan digər rayonlar üzrə də keçirilməsi nəzərdə tutulub.
