Qida Təhlükəsizliyi Agentliyinin (AQTA) sədri Qoşqar Təhməzli Lənkəran Rayon Heydər Əliyev Mərkəzində vətəndaşları qəbul edəcək. Bu haqda məlumatı Cenublu.az bu gün, 29 sentyabr tarixində qurumun rəsmi saytına istinadən verir.
Lənkəran, Astara, Lerik, Masallı, Yardımlı rayonlarından olan vətəndaşların iştirak edə biləcəyi qəbul 20 oktyabr saat 10:00-da baş tutacaq.
Vətəndaşlar Agentliyin səlahiyyət dairəsinə aid məsələlərlə (qida məhsullarının təhlükəsizliyi, baytarlıq və fitosanitar nəzarətinə dair normativ tənzimləmə, qida təhlükəsizliyi sahəsində fəaliyyət göstərən subyektlərin qeydiyyatı, qida təhlükəsizliyi, fitosanitar və baytarlıq sertifikatlarının verilməsi və s.) bağlı adını, soyadını, atasının adını, müraciətinin məzmununu, yaşadığı ünvanı və telefon nömrəsini göstərməklə [email protected] elektron ünvanına rəsmi şəkildə müraciət edərək və ya “1003-Çağrı Mərkəzi” ilə əlaqə saxlayaraq oktyabrın 19-dək qəbula yazıla bilərlər.
