Əməkdar idman xadimi, “Zirvə” İdman Klubunun təsisçisi və prezidenti, AAAF Park Yaşayış Kompleksinin qurucusu, lənkəranlı iş adamı Tofiq Heydərov vətəndaşı “kələ” sözünə görə məhkəməyə verib. Bu haqda məlumatı Cenublu.az bu gün, 28 avqust tarixində verir.
Vətəndaş iddia edir ki, o, bu sözə görə məhkəmə tərəfindən 5500 manat məbləğındə cərimələnib.
Qeyd edək ki, Tofiq Mirhəsən oğlu Heydərov 16 iyul 1972-ci ildə Lənkəran şəhərində anadan olub. Şəhər 2 saylı tam orta məktəbini bitirib.
1980-ci ildən ağır atletika ilə məşğul olmağa başlayıb. 1988-ci ildə SSRİ İdman Ustası adını alıb. 1989-cu ildə Azərbaycanın üçrəngli bayrağı ilə SSRİ çempionatında çıxış edib. Buna görə də təzyiqlərə məruz qalıb. 1996-cı il Atlanta 26-cı Yay Olimpiya Oyunlarında ağır atletika üzrə yarışlarda 83 kq çəki dərəcəsində mübarizə aparıb. Toplamda 330 kq (150+180) nəticə ilə 11-ci yeri tutub.
Azərbaycanda idmanın inkişafında xidmətlərinə görə Tofiq Heydərova Əməkdar bədən tərbiyəsi və idman xadimi adı verilib.
