“Öz istəyi ilə o, hava limanında işləməyə başlayıb. Artıq 9 ilə yaxındır”.
Unikal.az xəbər verir ki, bunu Aktauda təyyarə qəzasında həlak olan stüardessa Hökumə Əliyevanın atası Cəlil Əliyev deyib.
Onun sözlərinə görə, qızı ixtisasca hüquqşünas olsa da, bu sahədə çalışmaq istəyib:
“Bu, onun seçimi idi. Həmişə xarici ölkələri gəzməyi sevirdi. Qızımla fəxr edirəm. Allah Prezidentimizdən razı olsun! Ondan bircə şey istəyirəm. Mən özüm ədəbiyyat müəllimiyəm. İstəyirəm ki, çalışdığım Kəlbəcər rayonunun 67 saylı tam orta məktəbinə qızımın adı verilsin”.
