Lənkəranda mal-qara oğurluqları edən şəxslər haqda təfərrüatlar məlum olub. Bu haqda məlumatı Cenublu.az bu gün, 30 sentyabr tarixində verir.
DİN-dən verilən məlumata görə, araşdırma zamanı məlum olub ki, Lerik rayon sakinləri Ələddin Sultanov, qohumu İlkin Sultanov və Lənkəran rayon sakini, əvvəllər məhkum olunmuş Rasim Babayev əvvəlcədən əlbir olaraq meşəlik ərazidən ayrı-ayrı vaxtlarda ümumilikdə 17 vətəndaşa məxsus 20 baş iribuynuzlu heyvanı oğurlayıblar.
Oğurladıqları mal-qaranı Salyan, Cəlilabad və Masallı rayonlarının ərazisindəki heyvan bazarlarına apararaq orada satıblar.
Hər üç şəxs barəsində məhkəmənin qərarı ilə həbs qətimkan tədbiri seçilib.
Faktlarla bağlı araşdırma aparılır. Hazırda onların digər analoji cinayət əməllərinin olub-olmadığı araşdırılır.
Dünən həmin şəxslərin saxlanılması haqda Cenublu.az məlumat vermişdi.
