İmişli rayonu, Ə. Həmidov küçəsində fəaliyyət göstərən, Şirinov Fuad Həmid oğluna məxsus çörək emalı müəssisəsində Qida Təhlükəsizliyi Agentliyinin əməkdaşları tərəfindən keçirilən yoxlama zamanı ciddi nöqsanlar aşkarlanıb.
Cenublu.az xəbər verir ki, müəssisədə temperaturun monitorinqi və qeydiyyatının aparılmadığı, havalandırma sisteminin qurulmadığı, xammal anbarında unların divardan ara məsafə gözlənilmədən saxlanıldığı müəyyən edilib. Bundan başqa, emal prosesində istifadə olunan avadanlıqların təmiz saxlanılmadığı, divarların qaraldığı, döşəmənin çirkli vəziyyətdə olduğu, işçilərin xüsusi geyimlə təmin edilmədiyi və sanitar-təmizlik qaydalarına əməl olunmadığı aşkarlanıb.
Aşkarlanmış faktlarla bağlı müəssisənin fəaliyyəti nöqsanlar aradan qaldırılanadək məhdudlaşdırılıb, müəssisə rəhbəri barəsində inzibati məsuliyyət tədbirləri görülüb.
