“Özü sakit olsa da, bu addımı ilə bütün Azərbaycana səs salaraq bizi tərk etdi”.
Cenublu.az xəbər verir ki, bu sözləri Heydər Əliyev Beynəlxalq Aeroportunda Bakı-Qroznı reysini yerinə yetirən “Embraer-190” tipli sərnişin təyyarəsinin qəzaya uğraması nəticəsində həlak olan ekipaj üzvləri ilə vida mərasimində Hökümə Əliyevanın iş yoldaşı Mənzər Ağayeva deyib.
O bildirib ki, Hökumə Əliyeva ilə 2016-cı ildə AZAL-da işə başlayanda tanış olub:
“Qrupumuzun ən sakit xanımı Hökümə idi. Həyatını aviasiyaya həsr edib. Hökumə xanım nəinki peşəkarlıq, həm də həmkarları arasında səmimiyyəti ilə də seçilirdi. Başımız sağ olsun”.
