Astara rayonunda əsən güclü külək şəhərin Nuru Paşa küçəsində yerləşən 32 mənzilli binanın dam örtüyünü uçurub, ətrafdakı yarımtikililərə ciddi ziyan vurub. Bu haqda məlumatı Cenublu.az bu gün, 27 noyabr tarixində Apa.az-a istinadən verir.
Dam örtüyü binanın qarşısında dayanan Məharət Həsənova məxsus "Mercedes" markalı minik avtomobilinin üzərinə düşüb. Avtomobilə ziyan dəyib.
Güclü külək rayonunun elektrik təsərrüfatına da ciddi ziyan vurub. Görülən qabaqlayıcı tədbirlər nəticəsində şəhər ərazisində enerjinin verilişində fasilələr olmayıb. Dağətəyi kəndlərdə elektrik naqillərinin qırılması nəticəsində kəndlərdə elektrik enerjisinin verilişində fasilələr yaranıb.
Astara İcra Hakimiyyətinin şəhər inzibati ərazi dairəsi üzrə nümayəndəsi Şahverən Cavadov bildirib ki, fəsadlarla bağlı rayon Fövqəladə Hallar Komissiyasının nümayəndələri səhər saatlarından əraziyə baxış keçiriblər və bir sıra tədbirlərin görülməsi üçün aidiyyəti orqanlara tapşırıqlar verilib.
Qeyd edək ki, hazırda rayon ərazisində külək qismən səngiyib.
[caption id="attachment_49305" align="alignnone" width="336"]
Foto Apa.az[/caption]
[caption id="attachment_49304" align="alignnone" width="336"]
Foto Apa.az[/caption]
