Bu gün, 2025-ci il iyulun 14-ü, Azərbaycan xalqı Tovuz döyüşlərində qəhrəmancasına şəhid olan General-mayor Polad Həşimov və Polkovnik İlqar Mirzəyevin şəhadətinin beşinci ildönümünü qeyd edir. Onlar 2020-ci ilin iyulunda Ermənistan silahlı qüvvələrinin Tovuz istiqamətində törətdiyi təxribatın qarşısını alarkən, torpaqlarımızın müdafiəsi uğrunda canlarından keçiblər.
General-mayor Polad Həşimov Azərbaycan hərb tarixində şəhid olan ilk general idi. Onun və polkovnik İlqar Mirzəyevin cəsarəti, qəhrəmanlığı və Vətənə sonsuz sevgisi Azərbaycan Silahlı Qüvvələrinin ruhunu daha da gücləndirdi və 44 günlük Vətən müharibəsində qazanılan Zəfərin təməlini qoyan amillərdən oldu.
Onların xatirəsi hər zaman Azərbaycan xalqının qəlbində yaşayacaq. Şəhidlərimizin ruhu qarşısında baş əyir, onları rəhmətlə anırıq.
