Lənkəranda Fövqəladə Hallar Nazirliyi və Azərbaycan Qızıl Aypara Cəmiyyəti taktiki-xüsusi təlim keçirib. Bu haqda bu gün, 26 sentyabr tarixində Cenublu.az FHN-yə istinadən xəbər verir.
Təlimdə FHN-in Baş əməliyyat idarəsi, Cənub Regional Mərkəzi və Dövlət Yanğından Mühafizə Xidmətinin qüvvələri və Azərbaycan Qızıl Aypara Cəmiyyətinin 12 şəhər və rayon bölmələrinin rəhbərləri və könüllüləri iştirak ediblər.
“Təhlükəsiz və möhkəm icmaların qurulması” layihəsi çərcivəsində baş tutan təlimin keçirilməsində əsas məqsəd təbii fəlakətlər zamanı əməliyyat və qarşılıqlı fəaliyyət planlarının reallığının yoxlanılması, təlim iştirakçılarının fövqəladə hallarla mübarizə üzrə bilik və bacarıqlarının daha da artırılması olub.
İştirakçılar layihənin praktiki hissəsində şərti olaraq baş vermiş təbii fəlakətin qarşısını almaqda iştirak ediblər.
