Fövqəladə Hallar Nazirliyinin Cənub Regional Mərkəzinin “Bağlı qapı arxasında köməksiz vəziyyətdə qalmış zərərçəkmişlərin xilas edilməsi” mövzusunda praktiki gecə təlimi baş tutub. Bu haqda məlumatı Cenublu.az bu gün, 19 sentyabr tarixində verir.
Məlumata görə, təlimin məqsədi Mərkəzin Xilasetmə hissəsinin şəxsi heyətinin döyüş və peşə hazırlığı səviyyəsinin daha da yüksəldilməsi, müxtəlif ekstremal şəraitlərdə davranışlarının, gecə vaxtı baş verə bilən fövqəladə hallara çevik reaksiya vərdişlərinin təkmilləşdirilməsi olub.
Praktiki təlim zamanı xilasedicilər təhlükəsizlik qaydalarına riayət etməklə, xüsusi alət və avadanlıqlar vasitəsilə bağlı qapı arxasında şərti köməksiz vəziyyətdə qalmış zərərçəkmişləri “xilas edib, onlara ilkin yardım göstəriblər”.
Təlimin sonunda nəticələrin təhlili aparılıb və müvafiq tapşırıqlar verilib.
