FHN-in Cənub Regional Mərkəzi təhsil müəssisələrinin mülki müdafiə fənnini tədris edən 2, 5 və 6-cı sinif rəhbərləri üçün mülki müdafiə kursları keçirib. Bu haqda məlumatı Cenublu.az bu gün, 29 sentyabr tarixində verir.
Kursların keçirilməsində əsas məqsəd məktəblərdə fövqəladə hadisələrdən mühafizə ilə bağlı maarifləndirmə işinin aparılması və mülki müdafiəni tədris edən sinif rəhbərlərinin bu sahə üzrə bilik və bacarıqlarının artırılması olub.
Kurslarda iştirak edən dinləyicilər fərdi mühafizə vasitələrindən istifadə, təbii və texnogen xarakterli fövqəladə hadisələr zamanı düzgün davranış, təxliyə planlarından düzgün istifadə qaydaları, mülki müdafiə, yanğın və texniki təhlükəsizlik tədbirləri haqqında məlumatlar alıblar, mövzularla bağlı hazırlanmış fotoslayd və videoçarxlar izləyiblər.
Qeyd edək ki, keçirilən kurslarda Mərkəzin zabitləri və Lənkəran-Astara Regional Təhsil İdarəsinin əməkdaşları iştirak ediblər.
