Bir neçə gün öncə insult keçirən müğənni Nazim Pişyari (“Faytonçu”) bir neçə günə evə buraxılacaq.
Bu barədə Bakuplus.az-a sənətçinin dostu, aparıcı Kamran Həsənli məlumat verib.
Aparıcı Nazim Pişyarinin özü ilə əlaqə saxladığını deyib:
“Nazimin özü ilə danışdım. Hələ ki xəstəxanada nəzarət altındadır. İki-üç günə xəstəxanadan çıxacaq. Vəziyyəti yaxşılığa doğru gedir. Hazırda səhhəti normaldır.
Nazimə zənglər çox gəldiyi üçün cavablandıra bilmir. Lakin mənimlə danışdı. Hər şey yaxşıdır. İnşallah tez bir zamanda tam sağlamlığına qovuşar, şad xəbərini alarıq”.
Xatırladaq ki, yanvarın 31-də Nazim Pişyari işemik insult diaqnozu ilə özəl klinikalardan birinə yerləşdirilib. Onun vəziyyətinin ağır olduğu deyilirdi.
Nəzrin Vahid
