Cəlilabadlı müğənni Elçin Cəfərov qonaq olduğu 106.3 radiosunda maraqlı açıqlamalar verib.
Cenublu.az xəbər verir ki, ifaçı hazırda müğənnilərin qazanc yerinin sadəcə toylar olduğunu deyib.
"Əvvəl toy və sənətlə məşğul olan iki tip müğənni var idi. Sənətlə məşğul olanlar 1990-cı illərdə konsertlər verirdilər. Yeni nəsil müğənnilər isə başqa cürə formalaşıb. Bizim nəsil müğənnilər sənətə birbaşa toy meydanından başladılar. Məsələ buna görə ağırlaşdı. Samir Bağırov, Faiq Ağayev, Aygün Kazımova, Brilliant Dadaşova sırf estrada mahnıları ifa edirdilər, konsertlər də verirdilər.
Daha sonra isə Eyyub Yaqubov və Brilliant Dadaşovanın repertuarı bizi toy bazarına saldı. Çünki bir çox oğlan müğənnilər o zaman Brillant xanımla çalışırdı. Bu gün həmin o müğənnilər toy meydanındadırlar. Buna görə də toy bazarı genişləndi, inkişaf elədi. 1990-cı illərdə konsertlər var idi amma bizim dövr toy dövrü oldu. Bu böyük problemdir, çünki müğənninin başqa qazanc yeri yoxdur".
