Beynəlxalq Qırmızı Xaç Komitəsi nümayəndələri Ermənistanda tutulan iki hərbçimizi ziyarət ediblər. Bu haqda məlumatı Cenublu.az bu gün, 25 oktyabr tarixində Apa-ya istinadən verir.
Belə ki, saxlanılan şəxslərlə (Hüseyn Axundov və Aqşin Bəbirov) təkbətək görüşlər təşkil olunub, onların saxlanma şəraiti qiymətləndirilib və ailələri ilə əlaqə yaratmaları üçün şərait yaradılıb. BQXK-nın prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır və müzakirə edilir.
Qeyd edək ki, Lənkərandan olan 20 yaşlı Hüseyn Axundov “Ermənistanın dövlət sərhədini qanunsuz keçməkdə, odlu silah və döyüş sursatı daşımaqda” ittiham olunaraq və “Zəngəzur mis-molibden kombinatının gözətçisini qətlə yetirməkdə” təqsirləndirilərək həbs olunub.
