Bu gün Azərbaycan Respublikasının Əməkdar artisti Niftulla Fətulla oğlu Əsgərovun xatirəsi yad edilir.
Cenublu.az-ın məlumatına görə, Niftulla Əsgərov 5 iyul 1959-cu ildə Lənkəran rayonunun Girdəni kəndində anadan olub. 1995-ci ildən Lənkəran Dövlət Dram Teatrının aktyoru idi.
O, teatrda yaratdığı obrazlarla yanaşı, bir çox seriallarda çəkildiyi rollarla da tanınıb. 2014-cü ildə teatrın inkişafında xidmətlərinə görə Mədəniyyət Nazirliyinin “Fəxri mədəniyyət işçisi” döş nişanı ilə təltif olunub. 2018-ci ildə Azərbaycan Respublikasının Əməkdar artisti fəxri adına layiq görülüb.
O, uzun sürən xəstəlikdən sonra 2024-cü il yanvarın 22-də səhər saatlarında dünyasını dəyişib.
Allah rəhmət eləsin!
