Bu gün Azərbaycan Respublikasının Əməkdar artisti, aktyor Adil Zeynalovun doğum günüdür.
Adil Zeynalov 1960-cı ildə fevralın 20-də Lənkəran şəhərində anadan olub. 1978-ci ildə M.A.Əliyev adına Azərbaycan Dövlət İncəsənət İnstitutunun Musiqili komediya aktyorluğu fakültəsinə daxil olub və 1983-cü ildə oranı bitirib.
1977-ci ilin sentyabr ayından Lənkəran Dövlət Dram Teatrında səhnə quraşdırıcısı vəzifəsində əmək fəaliyyətinə başlayan A.Zeynalov 1983-cü ildən aktyor, 2002-ci ilin aprel ayından ömrünün sonunadək quruluşçu rejissor vəzifəsində çalışıb.
2012-ci ildə milli teatr sənətinin inkişafındakı xidmətlərinə görə Azərbaycan Respublikasının Əməkdar artisti fəxri adına layiq görülüb.
A.Zeynalovun oynadığı “Olanlardan-keçənlərdən” (Ü.Hacıbəyov) və “Ölülər” (C.Məmmədquluzadə) tamaşaları hazırda Azərbaycan Dövlət Televiziyasının “Qızıl fondu”nda saxlanılır.
12 mart 2020-ci ildə Bakı şəhərində vəfat edib.
