Fevralın 20-si saat 9:00-a olan faktiki hava açıqlanıb.
Milli Hidrometeorologiya Xidmətindən Cenublu.az-a verilən xəbərə görə, ölkə ərazisində əsasən yağıntılı və küləkli hava şəraiti müşahidə olunur. Bakıda və Abşeron yarımadasında sulu qar, dağlıq və dağətəyi rayonlara isə qar yağır.
Yağan qarın hündürlüyü Yardımlıda 1 sm-dir.
Düşən yağıntının miqdarı Lənkəranda 5, Biləsuvarda 4, Astarada 2, Cəlilabad və Lerikdə 1 mm-dək olub.
Lerikdə duman müşahidə olunub. Görünüş məsafəsi 50-500 metrədək məhdudlaşıb.
Havanın minimal temperaturu Aran rayonlarında 5 dərəcəyədək isti, dağlıq rayonlarda isə 13 dərəcəyədək şaxta qeydə alınıb.
