Bu gün vətən uğrunda canlarından keçən şəhidlərimiz – Rahid Cəfərov və Amal Alişanlının doğum gündür.
Rahid Cəfərov 2002-ci il fevralın 11-də Cəlilabad rayonunun Dələli kəndində anadan olub. Subay idi.
O, Talışın və Suqovuşanın azadlığı uğrunda gedən döyüşlərdə vuruşub. Rahid Cəfərov 2020-ci il oktyabrın 5-də Tərtər rayonunun Talış kəndi istiqamətində döyüş tapşırığının yerinə yetirilməsi zamanı şəhid olub.
Rahid Cəfərov ölümündən sonra "Vətən uğrunda", "Laçının azad olunmasına görə", "Suqovuşanın azad olunmasına görə" medalı ilə təltif edilib.
Amal Alişanlı 2001-ci il fevralın 11-də Yardımlı rayonunun Qabaqdibi kəndində anadan olub. Subay idi.
Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. O, oktyabrın 8-də Füzuli döyüşləri zamanı şəhidlik zirvəsinə ucalıb.
Ölümündən sonra "Vətən uğrunda", "İgidliyə görə", "Cəbrayılın azad olunmasına görə", "Füzulinin azad olunmasına görə", "Kəlbəcərin azad olunmasına görə" medalları və "Azərbaycan Bayrağı" ordeni ilə təltif edilib.
