Lənkəranda yaz-yay mövsümündə bar verən alça ağacı dekabr ayında yenidən çiçək açıb, meyvə gətirib.
Cenublu.az xəbər verir ki, qeyri-adi təbiət hadisəsi rayonun Şağlaser kəndində 79 yaşlı Pənci Ağayevin həyətyanı sahəsində qeydə alınıb.
10 yaşlı alça ağacı bu il ikinci dəfə bar verib. Ev sahibinin sözlərinə görə, ağac hər zaman bol məhsul verib, ancaq qış fəslində yenidən bar gətirməsi nadir haldır.
Onun sözlərinə görə, hava şaxtalı olmazsa, ağac meyvəni saxlaya və yay fəslindəki dadını da verə bilər.
