Cənub bölgəsində müşahidə edilən faktiki hava şəraiti açıqlanıb.
Bu barədə Cenublu.az Milli Hidrometeorologiya Xidmətinin məlumatına istinadən xəbər verir.
Yanvarın 21-i saat 10:00-a olan məlumata əsasən, əksər rayonlarda hava şəraiti yağmursuz keçib. Lakin yanvarın 20-də bəzi şərq rayonlarında arabir yağıntılı olub.
Düşən yağıntının miqdarı Biləsuvar, Yardımlıda 2, Astarada isə 1 mm-dir.
Dağlıq rayonlarda qar yağıb, qar örtüyünün hündürlüyü Lerikdə 3, Lənkəranda isə 1 sm-ə çatıb.
Lerikdə duman müşahidə olunub, dumanda görünüş 500 metrədək məhdudlaşıb.
Dağlıq rayonlarda 8 dərəcəyədək şaxta qeydə alınıb.
